Manillares Iturriaga Koop-Rock.

…egun geratzen dira. Atzera kontaketa aspaldi hasi genuenontzat luze egiten ari da baina egiari zor, azken astea oraingoz behintzat nahikoa azkar ari da pasatzen. Bihar osteguna (asteburu usaina izan ohi duen eguna), etzi azken ensaioa eta larunbatean da hitzordua. Gaueko 23tan puntuan hasiko da kontzertua. Lehenik Amaiurko Errugabe taldea ariko da eta ondoren izango da gure txanda. Alegiko gaztetxearen 23. urteurrenaren baitan antolaturiko kontzertua da baina ez da egunean zehar izango den ekitaldi bakarra. Eguerdian gaztetxean bertan babarrun jana izango [...]

Aurreko posteko iruzkinetako batek eman dio bidea post berri honi. Blog honen behekaldean “definitzeik eztaon zeoze… ” dela jartzen du Manillares Iturriaga. Txarli manillarestarrari ideia etorri zaio eta lehiaketa bat abian jartzea erabaki dugu. “definitzea eztaon zeoze…” horretan jartzeko esaldi egokienaren bila hasiko gara. Hau da, Manillares Iturriaga definitzea da  erronka. Bidali nahi adina proposamen eta irabazleak izango du bere saria. Azken 20 urteetan ETB1en igande goizetan eman diren meza nagusien DVDa izango du opari eta gaztetxeko kontzerturako sarrera gure kontu. Hasi egurra [...]